AzGeo | About us

Biz kimik Siyasətimiz Xidmətlərimiz Əlaqə Yer və insan
elmi-nəzəri jurnalı

Xidmətlərimiz

Qazma-Partlayış
(Yeraltı və Yerüstü) işləri

2021-2022 ci illlədə Fövqəladə Hallar Nazirliyi tərəfindən alınmış “Partlayıcı maddələr və qurğular”ın istifadə edilməsi haqqında “Xüsusi icazə” əsasında , İqtisadiyyat Nazirliyi tərəfindən alınmış “Təhlükəli yüklərin nəqliyyat vasitəsilə daşınması” haqqında “Lisenziya” əsasında sülhməramlı qazıma-partlayış işlərinin aparılması fəaliyyətinə başlamışdır.

Şirkət qazıma-partlayış işləri üzrə dünyanın aparıcı şirkətlərində istehsal olunan ən müasir və modern texniki avadanlıqlarla təchiz olunmuşdur ki, bu da ona ekstremal vəziyyətlərdə belə qazıma-partlayış və ləğvetmə işlərini həyata keçirməyə imkan verir Dağ–mədən işlərində fəaliyyət göstərən şirkət olaraq ölkəmizin dağ–mədən sənayesinin inkişafında tam potensialı ilə çalışaraq, qabaqcıl texnologiya və dünya standartlarına uyğun texnikaların ölkəyə gətirilməsi və istifadə edilməsi üçün bütün imkanlarından istifadə edir.

FHN-i tərəfindən ərazilər üzrə ayrı-ayrılıqda alınmış icazələr əsasında şirkətimiz ölkənin bir çox ərazilərində sülhməramlı qazıma-partlayış işlərini yerinə yetirmişdir. İşğal altından azad olunan ərazilərimizin bir neçəsində, Zəngilan rayonun ərazisində yerləşən tunel tikintisində, Kəlbəcər rayonunun “İstisu” ərazisində, Füzuli rayonunun avtomobil yolunun tikintisində hal-hazırda Şirkətimiz tərəfindən partlayış işləri icra edilir. Daşkəsən rayonunun Çovdar kənd inzibati ərazisində qazıma işləri aparılır.

“Azərbaycan Geologiyası” MMC-i iştirakçısı olduğu bütün layihələrdə həyata keçirdiyi sifarişlərdə keyfiyyəti əsas tutaraq, istifadədə ekoloji zərərsiz partlayış materiallarından istifadə edir.

“Azərbaycan Geologiyası”MMC-i Türkiyə Respublikasının partlayıcı materiallar və vəsaitlər istehsalçısı olan “Kapeks” Şirkətinin rəsmi distribyutorudur. Bu Şirkətin istehsal etdiyi materiallar ekoloji cəhətdən zərərsizdir və partlayış zamanı nəzərdə tutulan sahədən kənara təsir etmir. Mədən ərazilərində yatağların işlənməsi zamanı süxurların xırdalanması üçün həyata keçirilən sülhməramlı partlayış işlərində istifadə olunan partlayıcı maddə və vasitələri ekoloji cəhətdən zərərsiz olmaqla yanaşı, həm də az seysmik təsirə malik olub, istifadədən sonra ətraf mühitə heç bir zəhərli qazlar buraxmır.

Sığorta brokeri fəaliyyəti

Sığorta brokeri fəaliyyəti” haqqında - 2013 cü ildən etibarən Azərbaycan Respublikası Maliyyə Nazirliyi tərəfindən verilmiş lisenziya əsasında , Azərbaycan Geologiyası MMC peşekar sığorta agentliyi fəaliyyətinə başlamışdır.
Sığorta bazarında 10 –ildir ki, fəaliyyəti zamanı şirkətimiz sığorta sahəsində korporativ mühitdə sığorta marifləndirməsi, işgüzar əməkdaşlığın genişləndirilməsi həmçinin məsləhətlərin verilməsi , peşəkar kadrlarının yetişib formalaşması, sığorta üzrə vasitəçilik və digər yardımçı xidmətlərini göstərmişdir.
Sığorta Agentliyi olaraq gələcək hədəflərimiz dövlətin sığorta sahəsinin inkişaf planına uyğun olaraq lazımi bütün addımları atmaqdır. Həmçinin bu sahənin beynəlxalq standartlara uyğunlaşması üçün işlərimizi daha da genişləndirməkdir.

Daşınma işləri

Faydalı qazıntı yataqlarının istismar prosesində karxana ərazisində yaranmış filiz və tullantının nəqliyyata yüklənməsi, yatağın istismar layihəsində nəzərdə tutulmuş əraziyə daşınması, həmçinin emal sahəsinə çatdırılması işləri daxildir. Karxanalarda qazma-yükləmə və qazma-daşıma əməliyyatlarında istifadə olunan maşın və mexanizmlər güc və səmərəlilik baxımından bir-biri ilə əlaqəli şəkildə işləyərək yatağın istismarının bütün mərhələləri üzrə müəyyən edilmiş istehsalat tapşırıqlarının yerinə yetirilməsinin tempini və məhsuldarlığını təmin etməyə qadirdir. Daşınma zamanı maşınların kuzovunun qeyri-bərabər şəkildə yüklənməsinə yol verilmir.

Geoloji işlər

Buraya Yer təkinin geoloji öyrənilməsi, səmərəli və kompleks istifadəsinin dolğunluğunun təmin edilməsi ilə bağlı aşağıdakı xidmət növləri aiddir: -Yerin təkindən kompleks istifadənin tamlığının təmin edilməsi məqsədilə aparılan yerin təkinin geoloji və geoekoloji öyrənilməsi; - Faydalı qazıntı yatağının açılması və istismarı prosesində alına biləcək əsas və əlavə məhsulların mümkün istehlakçıları, hasilat və emalın ətraf mühitə mənfi təsiri nəzərə alınmaqla mümkün iqtisadi səmərəliliyinin müəyyən edilməsi; -Mineral xammalın emalında formalaşan tullantıların sənayenin digər sahələrində istifadəsi imkanlarının araşdırılması; - Faydalı qazıntı ehtiyatlarının təbii və qiymət göstəriciləri üzrə sənaye əhəmiyyəti kəsb edib-etməməsini müəyyən edilməsi, dağ-mədən müəssisəsi tərəfindən iqtisadi səmərəliliklə mənimsənilə bilən faydalı qazıntı ehtiyatlarının hesablamasında kondisiya tələblərini əsaslandırmaq üçün onların geoloji-iqtisadi cəhətdən qiymətləndirilməsi; - Axtarış-qiymətləndirmə işlərinin nəticələri əsasında faydalı qazıntı yatağının gələcəkdə sənaye əhəmiyyəti kəsb edə biləcəyini qiymətləndirən və C2 kateqoriyası üzrə ehtiyatların hesablanmasını əsaslandıran Texniki-İqtisadi Mülahizə sənədinin hazırlanması.

Konsaltinq

Şirkət həmçinin mədənçilik haqqında mühəndisi-texniki xidmət göstərir. Göstərilən xidmət sahələrinə daxildir:

mədən işlətmə sisteminin seçilməsi (açıq və yeraltı üsul da daxil olmaqla);
yükləmə, daşıma texnikalarının seçilməsi;
tullantıxana anbarının işlənməsi sistemi,
qazma-partlayış haqqında məlumat
qazma -şəbəkəsinin qurulması və s. xidmətlər.

Tunel tikinti işləri

Yol tunelləri və yeraltı Filiz mədənlərində, Qazma-parltayış, yüklənmə-daşınma, bağlayıb-bərkitmə, Drinaj və havalandırma növlərin seçilməsi işləri aparılır. Tunel tikinti işləri aşağıdakı ardıcıllıqla aparılır

Qazma işləri görülməsi .Pareler-qazma lağımları. VKart-qazma lağımları
Partlayış işlərini həyat keçirilməsi
Tavanda asqıda qalan daşların təmizlənməsi
Yükləmə işləri görülməsi
Daşınma işləri görülməsi
Bağlayıb-bərkitmə işlərin görülməsi
Dirinaj işlərinin görülməsi
Havalandırma işlərin görülməsi
Topaqrafik ölçüm işlərinin görülməsi

Lisenziyalar, Şəhadətnamələr və Sertifikatlar:

Hazırda “Azərbaycan Geologiyası” MMC yerin təkinin öyrənilməsi, aşkar olunmuş faydalı qazıntı ehtiyatlarının qiymətləndirilməsi və emal olunması məqsədləri üçün müvafiq qaydada “Xüsusi icazə”, “Lisenziya” və “Xüsusi razılıq”lar əsasında öz fəaliyyətini davam etdirir.

“Partlayıcı maddələr və qurğular”ın istifadə edilməsi haqqında “Xüsusi icazə”
“Təhlükəli yüklərin nəqliyyat vasitəsilə daşınması” haqqında “Lisenziya”
“Sığorta brokeri fəaliyyəti” haqqında “Lisenziya”
ISO:9001:2015 Quality Management
ISO:14001:2015 Environmental
ISO:45001:2018 Health and Safety

Komandamız

Cəmiyyətin kadrları daima öz üzərində çalışan, xüsusi şəhadətnamələrə yiyələnmiş və davamlı olaraq peşə hazırlığını artırmaqla yüksək nəticələrə nail olmuş peşəkarlardan ibarətdir.

Komandamız özlərini daim inkişaf etdirən, xüsusi şəhadətnamələrə yiyələnmiş və yüksək nəticələr əldə etmələri üçün davamlı olaraq öz üzərilərində çalışan peşəkarlardan ibarətdir. Bir sıra Avropa ölkələrində təcrübə keçmiş yüksək ixtisaslı mütəxəssislərin, həmçinin Azərbaycan Neft və Sənaye Universitetini və Bakı Dövlət Universitetini müvəffəqiyyətlə bitirən məzunların işə cəlb olunması və peşəkarlığının yüksəldilməsi Şirkətin prioritetlərindəndir.

Dağ-mədən sahəsi özünəməxsus olduğundan bütün bu işlərin aparılması üçün tam hazırlıqlı mütəxəssislər tələb olunur. Bu səbəbdən “Azərbaycan Geologiyası” MMC yerli mütəxəssisləri öz ətrafına cəlb edir, gənc kadrları dağ-mədən sənayesində bu işlərin aparılması üçün tələb olunan “Lisenziya” və “Sertifikat”lara yiyələnmək məqsədilə FHN-nin Elmi Tədqiqat İnstitutuna tədris kurslarına göndərir. Həmçinin ADNS-nun dağ-mədən fakultəsinin və BDU-nun geologiya fakultəsinin tələbələrini fəaliyyət göstərdiyimiz layihələrdə istehsalat təcrübəsi keçmək üçün şirkətimizə dəvət edərək dağ-mədən işlərinin aparılması metodikası öyrədilir. Buda, gələcəkdə tədris müəssisələrində dağ-mədən sahəsində yüksək ixtisaslı kadrların yetişdirilməsi üçün zəmin yaradır.